Erdigune historikoa Monumentu Multzotzat sailkatu da eta bertan aurki dezakegu 1543an eraikitako Euskal Herriko lehen unibertsitatea, Sancti Spiritus Unibertsitatea, euskal Errenazimenduko harribitxi bat. Hirigunetik 9 kilometrotara, Aizkorri-Aratz parke naturalaren azpian, Arantzazuko Santutegia dago. 50eko hamarkadan eraikitako basilika hau, arte abangoardistaren erakusle da.

Bere natura-inguruan Aizkorri-Aratz mendilerroa dago, tontor garaienetarikoek osatua, hala nola Aitxuri (1.551 m) eta Aizkorri (1.523 m). Hauek beste mendi batzuekin batera, mendigune galanta eta ederra osatzen dute, euskal mendizaleentzat erreferente izanik. Erreferentzia mitologikoz, arkeologia-aztarnategiz, trikuharriz, aspaldiko haitzuloz eta antzinako erromatarren galtzadez beteriko bazter aparta da.